di Renata Ferrara Pignatelli
I’ era ‘na piccerella, che
puteva tené, quinnece anne… isso teneva ciert’ uocchie… ‘na parlata saporita…
doppo cinche minute che l’aveva canusciuto era nnammurata. Ma propeto nnammurata nnammurata, comm’a ‘na
pazza!
Bernardo se chiammava…
Ber..na..rdo.. e i’ me vulevo fa chiammà comm’a isso! Bernarda, sì!
Ma… me dicettero ca nun ‘o putevo fa, ca nun era ‘nu nomme pe’ ‘na
piccerella.
Stiveme nsieme core a core
‘a tre o quatte mise int’’a ‘na stanzulella ‘o quinto piano ncopp’e
Quartiere.
‘Nu bello juorno Bernardo
purtaje ‘a casa na ‘jatta grossa, nera nera e lucente, cu ciert’uocchie gialle…
pareva ‘na diavola. E se mettette tutto
il giorno a fa’ “bella bella, cara cara, quant’è bella a ‘jatta mia… ‘a chillu
juorno, a me, manco ‘na parola, ‘na guardata, ‘nu vasillo… sulo a ‘jatta,
sul’essa era l’ammore sujo… essa era furba e ‘i ero scema, essa era bella e i’
faceva schifo, cu essa faceva i giochi belli e i… facev’a serva a tutt’e dduje!
Faceva co’ na voce doce “A ‘jatta
mia… tutto sape fa’! Tutto!”
Allora me venette ‘na
pensata… arapette ‘a finestra, pigliaje a ‘jatta e dicette: “Bernà, guarda,
guarda, a ‘jatta toja, sape pure vulà! E
‘a jettaje.
Tutto sapeva fa. Ma a vulà nun s’era mparata ancora…